Arestado ang isang lalaki sa buy-bust operation ng pulisya sa Novaliches, Quezon City.
Ayon kay PBGen. Nicholas Torre III ng Quezon City Police District, nahuli ang lalaki matapos bentahan ng iligal na droga ang kanilang police poseur buyer na nakipagkita sa Brgy. San Bartolome
Nagtamo ang lalaki ng mga sugat sa paa at galos sa binti matapos umano magpumiglas habang inaaresto.
Nasabat sa kanya ang apat na plastic sachet ng hinihinalang shabu na may timbang na 325g at nagkakahalaga ng ₱2,210,000.
Narekober din ang buy-bust money at cellphone na ginagamit umano sa transaksyon ng iligal na droga.
Dagdag ni Torre, posibleng nagmula sa labas ng Metro Manila ang kanyang supplier ng iligal na droga
Inaalam pa ng QCPD ang mga parokyano ng suspect.
Tumanggi namang magbigay ng pahayag ang lalaki na mahaharap sa kasong paglabag sa Comprehensive Dangerous Drugs Act of 2002. | ulat ni Bernard Jaudian Jr.
📷: DDEU QCPD
