Sabayang nagsanay ang mga tropa ng 1st Marine Brigade ng Philippine Marine Corps at U.S. Marine Corps sa Jungle-Environment Survival Training (JEST) at Land Navigation, sa ika-apat na araw ng Marine Exercise 2024 (MAREX24).
Ang pagsasanay ay isinagawa sa kagubatan sa bisinidad ng headquarters ng 1st Marine Brigade sa Maguindanao del Norte noong Sabado.
Tampok sa pagsasanay ang land navigation, basic patrolling, at jungle survival strategies, kung saan ipinamalas ng Phil. at U.S. Marines ang kanilang mahusay na teamwork at adaptability sa “hostile environment”.
Ang MAREX24 ay testamento ng commitment ng dalawang pwersa na mapahusay ang kanilang inter-operability sa pagtugon sa mga panibagong banta. | ulat ni Leo Sarne
Courtesy of 1st Marine Brigade
