CHED, tumatanggap na ng aplikasyon para sa scholarship ng mga magsasaka ng niyog at kanilang pamilya

Rey Ferrer July 13, 2026 1 minute read

Binuksan na ng Commission on Higher Education (CHED) ang aplikasyon para sa Scholarship Program for Coconut Farmers and Their Families (COSCHO), para sa Academic Year 2026–2027.

Maaaring mag-apply ang mga Pilipinong rehistradong magsasaka ng niyog sa National Coconut Farmers Registry System (NCFRS) at mga miyembro ng kanilang pamilya.

Kasama rin sa maaaring mag-apply ang mga graduating o nagtapos ng Senior High School, ALS graduates, at mga college student na may General Weighted Average na hindi bababa sa 80 porsiyento.

Kinakailangan ding hindi hihigit sa ₱300,000 ang pinagsamang taunang kita ng mga magulang o taga pangalaga.

Maaaring mag-apply sa pamamagitan ng pag-scan ng QR code sa opisyal na poster o sa website na ched.gov.ph/stufaps.

Hanggang August 31, 2026 ang pagtanggap ng aplikasyon para sa naturang scholarship program.