Pinayuhan ng Civil Service Commission ang mga kwalipikadong examinee na bumagsak sa Civil Service Examination na mag-apply para sa Career Service Eligibility – Preference Rating (CSE-PR) upang makakuha ng hanggang 10 karagdagang puntos.
Kailangang nakakuha ang aplikante ng hindi bababa sa 70% marka, may pinagsama-samang limang taong serbisyo sa gobyerno, at nakatutugon sa itinakdang performance rating.
Ayon sa CSC, Nobyembre 18, 2026 ang deadline ng aplikasyon para sa mga kumuha ng pagsusulit noong Marso 8, 2026, habang Abril 5, 2027 naman para sa mga kumuha noong Agosto 9, 2026.
Sa ilalim ng polisiya, maaaring makatulong ang karagdagang puntos upang maabot ang 80% passing rate.
Pinayuhan ang mga aplikante na tingnan ang opisyal na website ng CSC para sa kumpletong guidelines at documentary requirements.
About the Author
