𝐓𝐄𝐒𝐃𝐀 𝐑𝐞𝐠𝐢𝐨𝐧𝐚𝐥 𝐒𝐤𝐢𝐥𝐥𝐬 𝐎𝐥𝐲𝐦𝐩𝐢𝐜𝐬, 𝐍𝐚𝐠𝐢𝐧𝐠 𝐌𝐚𝐭𝐚𝐠𝐮𝐦𝐩𝐚𝐲; 𝟑𝟑 𝐊𝐚𝐛𝐚𝐭𝐚𝐚𝐧, 𝐍𝐚𝐠𝐭𝐚𝐠𝐢𝐬𝐚𝐧 𝐧𝐠 𝐆𝐚𝐥𝐢𝐧𝐠 𝐬𝐚 𝐈𝐛𝐚’𝐭 𝐈𝐛𝐚𝐧𝐠 𝐋𝐚𝐫𝐚𝐧𝐠𝐚𝐧
Sa pangunguna ng Technical Education and Skills Development Authority (TESDA) Region 1, naging matagumpay ang opening ceremony ng TESDA Regional Skills Olympics nitong Hunyo 2 sa SM La Union.
Nakibahagi ang Department of Labor and Employment (DOLE) bilang pagpapakita ng suporta at dedikasyon para sa pagpapaunlad ng kakayahan ng mga kabataang Pilipino.
Tumagal ang kompetisyon mula Hunyo 2 hanggang Hunyo 4, na nilahukan ng 33 kabataan mula sa La Union, Ilocos Norte, Ilocos Sur, at Pangasinan.
Ipinakita ng mga kalahok ang kanilang husay at kakayahan sa 15 skills areas na nakapaloob sa 5 skills sectors: Creative Arts and Fashion, Construction and Building Technology, Manufacturing and Engineering Technology, Social and Personal Services, at Transportation and Logistics.
Matapos ang opening ceremony, agad na sinimulan ang Floristry Competition na ginanap mismo sa SM City La Union, kasabay ang iba pang kompetisyon na ginanap sa iba’t ibang venues: Regional Training Center – La Union, TESDA Regional Office, at sa Isuzu (Bauang).
Narito ang 15 kompetisyon na nilahukan ng 33 kabataan:
- Fashion Technology
- Floristry
- Graphic Design Technology
- Carpentry
- Electrical Installations
- Landscape Gardening
- Wall and Floor Tiling
- Welding
- Bakery
- Beauty Therapy
- Cooking
- Hairdressing
- Hotel Reception
- Restaurant Service
- Automobile Technology
Ang mga nanalo sa kompetisyon ay magpapatuloy sa National Skills Olympics at posibleng maging representative ng bansa para sa international competition.
|Carolyn Ventura
Photo courtesy: TESDA Region 1
About the Author
