Isang malaking hakbang patungo sa mas ligtas at maunlad na komunidad ang opisyal na pagsasakatuparan ng Inauguration, Blessing, at Turnover Ceremony ng bagong tayong Standard Type B/C Maydolong Municipal Police Station Building, Maydolong, Eastern Samar nitong Hunyo 16, 2026.
Ang makasaysayang okasyon ay personal na pinangunahan ni Police Brigadier’ General Jason Capoy, ang regional director ng Police Regional Office 8 (PRO 8).
Ang pagpapatayo ng modernong pasilidad na ito ay direktang umaayon sa bisyon ng Administrasyong Marcos Jr. na palakasin ang pambansang seguridad at iangat ang kakayahan ng mga puwersa ng batas sa ilalim ng programang “Bagong Pilipinas.” Sa pamamagitan ng pagbibigay ng mga makabagong pasilidad at kagamitan, layunin ng administrasyon na mas mapabilis at mapataas ang kalidad ng serbisyo ng Philippine National Police (PNP) sa mga malalayong lalawigan tulad ng Eastern Samar.
“Ang proyektong ito ay patunay ng patuloy na suporta at komitment ng administrasyon na bigyan ng sapat na lakas at modernong kagamitan ang ating kapulisan upang mas lalo nilang maprotektahan at mapaglingkuran ang sambayanan,” pahayag ni RD Capoy.
Naging matagumpay ang aktibidad sa pagdalo at suporta ng mga lokal na lider at opisyal ng pamahalaan, kabilang sina Atty. Louie Borja, Punong Bayan ng Maydolong; Rev. Fr. Dan Ganas, Kura Paroko ng Maydolong (na nanguna sa pagbabasbas ng gusali); Police Col. Ernesto Macasil, provincial director ng ESPPO at Police Captain Bermodo Gulo III , OIC ng Maydolong MPS.
Dumalo rin sa pagtitipon ang iba pang mga kawani ng Local Government Unit (LGU) ng Maydolong at mga tauhan ng PRO 8, na nagpapakita ng matatag na pagtutulungan ng pambansang pamahalaan at lokal na komunidad—isang pangunahing haligi ng pamamahala ni Pangulong Ferdinand Marcos Jr. upang mapanatili ang kapayapaan, kaayusan, at patuloy na pag-unlad ng ekonomiya sa rehiyon. | ulat ni Ma. Daisy Amor Lalosa-Belizar | RP Borongan
📸 Maydolong MPS
About the Author
