Susubukin ng Philippine National Police (PNP) ang kahandaan nito sa pagtugon sa sakuna sa isang malakas na lindol sa Maynila simula ngayong Miyerkules, Setyembre 30.
Ito’y sa isang magkasanib na pagsasanay sa pagtugon na tinawag na Inter-Agency Sanlakas 02-2026 katuwang ang Philippine Coast Guard (PCG) at Armed Forces of the Philippines (AFP).
Dito, susubukin sa aktibidad ang mga mekanismo ng pagtugon, koordinasyon ng command, mga operasyon sa paghahanap at pagsagip, mga hakbang sa seguridad.
Gayundin ang mga pamamaraan sa agarang pagpapadala ng mga tauhan at kagamitan sa sandaling tumama ang inaasahang “The Big One” o ang malakas na lindol na maaaring lubhang makaapekto sa Metro Manila at mga karatig na lugar.
Ayon kay PNP Chief, Police General Jose Melencio C. Nartatez, Jr., nakatuon ang drill sa isang senaryo ng malakas na lindol na nauugnay sa West Valley Fault.
Layunin din ng pagsasanay na matukoy ang mga kakulangan sa operasyon na maaaring makaapekto sa pagtugon sa aktuwal na sakuna.
About the Author
