Na-delist o natanggal sa listahan ng mga rehistradong party-list group na makalalahok sa eleksyon ang nasa 50 organisasyon.
Base ito sa inaprubahan ng COMELEC En Banc na Resolution 11281 na ukol sa kanselasyon ng registration at pag-delist ng mga organisasyon o grupo sa ilalim ng party-list system.
10 grupo ang pinawalang bisa ang registration dahil sa kabiguang makalahok sa nakalipas na dalawang eleksyon.
Kabilang dito ang 1AAAP o 1 Alliance Advocating Autonomy Party, 1-UTAK o 1 United Transport Koalisyon, Agbiag o Agbiag Timpuyog Ilocano Inc, Ako o Ako Ayoko sa Bawal na Droga, FFP o Filipino Family Party, GRECON o Grains Retailers’ Confederation of the Philippines Inc, INANG MAHAL o Ina na Nagmamahal sa Anak, 1-LAMBAT o Isang Lapian ng Mangingisda at Bayan Tungo sa Kaunlaran, LUNTIAN o Luntian Pilipinas Partylist at 1P o One Philippines.
May 40 samahan din ang natanggal sa listahan ng partylist dahil sa kabiguang makakuha ng 2% ng boto sa nagdaang dalawang eleksyon o makakuha ng puwesto sa 2nd round ng alokasyon ng posisyon sa ilalim ng party-list system.
Ang 40 ay ang mga sumusunod: A TEACHER, AKO OFW, ARTE, AHON MAHIRAP, AKO PADAYON, AKTIBONG KAAGAPAY, ARISE, ASAP NA, ANG KOMADRONA, APAT DAPAT, ABP, PAMILYA MUNA, BABAE AKO, BANAT, BAYAN MUNA, BTS BAYANING TSUPER, BG PARTYLIST, BOSES, BUHAY, BUNYOG, CLICK PARTY, DIWA, FRONTLINERS ANG BIDA, HELP PILIPINAS, HUGPONG FEDERAL, IPATUPAD, LUNAS, MAGDALO, MAHARLIKA, EPANAW SAMBAYANAN, MAAGAP. PAMILYANG MAGSASAKA. PINOY AKO, RAM, TODA AKSYON, TICTOK, TULUNGAN TAYO, TURISMO, UNITED FRONTLINERS at WIFI.
Ayon sa COMELEC, ang pagtanggal sa 50 ay salig din sa desisyon ng Korte Suprema sa mga batayan para magtanggal ng mga organisasyong hindi makasusunod sa patakarang itinatakda sa Party-list System Act.
About the Author
