Courtesy of Philippine Red Cross
Umabot na sa 864,000 na kabahayan ang apektado ng mga power interruption dahil sa 7.8 magnitude na lindol sa Sarangani Province kaninang umaga.
Batay sa inilabas na pahayag ng Department of Energy (DOE) ito ay ang mga kabahayang sakop ng franchise areas ng electric cooperative na South Cotabato II at I Electric Cooperative, Sultan Kudarat Electric Cooperative (SUKELCO), Northern Davao Electric Cooperative (NORDECO), Davao Light and Power Company (DLPC) at Cotabato Light and Power Company.
Patuloy naman aniya ang ginagawang assessment ng mga cooperatives at distribution utilities para masigurong agad na maibabalik ang suplay ng kuryente sa mga sakop nilang lugar.
Sa tulong din ng DOE at National Electrification Administration (NEA) umaalalay din ang Task Force Kapatid na tutulong sa distribution facilities para sa dagdag manpower, equipment at technical assistance na maibalik ang kuryente.
About the Author
