Magnitude 5.1 na lindol, yumanig sa Jabonga, Agusan del Norte

Niyanig ng magnitude 5.1 na lindol ang Jabonga sa Agusan del Norte kaninang alas-5:12 ng hapon (August 21).

Batay sa Philippine Institute of Volcanology and Seismology (PHIVOLCS), naitala ang sentro ng lindol sa timog-kanluran ng nasabing bayan.

Ito ay may lalim na pitong kilometro, at tectonic ang pinagmulan.

Naitala naman ang Intensity III sa Butuan City at Intensity I sa Mambajao, Camiguin.

Habang Instrumental Intensity II sa Surigao City,Surigao del Norte, habang Instrumental Intensity I sa Cagayan de Oro, Balingasag, at Magsaysay sa Misamis Oriental, gayundin sa San Francisco, Southern Leyte.

Inaasahan naman ang mga aftershock, ngunit walang inaasahang pinsala.

About the Author

Diane Lear

Author

View All Posts