Positibo ang Parish Pastoral Council for Responsible Voting o PPCRV na magpapatuloy ang magandang progreso sa isinasagawa nilang audit sa resulta ng botohan sa BARMM Parliamentary Elections.
Ayon kay PPCRV Spokesperson Ana De Villa-Singson, nitong Lunes ay pumalo na sa 2,090 o 40 percent ng 5,212 na polling precincts ang naisalang na sa scanning at naberipika ng PPCRV.
Habang ang transmission naman ng electronic votes ay nasa 99.31% na.
Sa ngayon ay wala pang naitatalang anomang discrepancies ang PPCRV sa transmitted at scanned copies ng PPCRV na sana ay magtuloy-tuloy na upang walang maitalang iregularidad.
Binabantayan na rin ngayon ng PPCRV ang pagdami ng mga QR transmissions na “not readable” na hindi rin maisasalang sa audit ng PPCRV.
About the Author
