Itinaas ng Bangko Sentral ng Pilipinas (BSP) ang kanilang benchmark interest rate ng 50 basis points bunsod ng patuloy na banta ng mataas na inflation sa bansa.
Dahil dito, ang target reverse repurchase rate ng BSP ay nasa 5.5 percent na mula sa dating 5 percent.
Matatandaang umabot sa 7.2% ang inflation noong Setyembre dahil sa patuloy na pagtaas ng presyo ng mga pagkain at produktong petrolyo.
Ayon sa pahayag ng BSP, inaasahang mas bibilis pa ang pagtaas ng presyo ng mga bilihin sa mga susunod na buwan.
Sa kabila nito, umaasa ang BSP na sa pamamagitan ng hakbang na ito ay makontrol ang economic pressures habang tinatrabaho ang pagbabalik ng inflation sa target range nito sa mga susunod na taon.
Kabilang sa mga malaking salik ng pagtaas ng interest rate ng BSP ay ang nagpapatuloy na hidwaan sa Middle East na nagtulak upang tumaas ang presyo ng langis sa pandaigdigang merkado.
Ang mga kamakailang pagtaas sa singil sa transportasyon ay inaasahan ding magdudulot ng epekto sa pangkalahatang presyo ng bilihin.
Nagbabala rin ang BSP na ang patuloy na epekto ng El Niño ay patuloy na nagdudulot ng panganib sa produksiyon ng agrikultura at presyo ng mga pananim.
About the Author
