Kampante ang House Prosecution Panel na matutuloy ang impeachment trial laban kay Vice President Sara Duterte sa oras na makapag-convene ang Senate Impeachment Court.
Sa Saturday News Forum, sinabi ni Rep. Terry Ridon, miyembro ng House Prosecution Team, na sa kabila ng mga usaping kinahaharap ngayon ng Senado, tuloy-tuloy ang kanilang paghahanda para sa inaasahang paglilitis.
Iginiit ng kongresista na walang posibilidad na magkaroon ng magkahiwalay na impeachment trial dahil iisa lamang ang Senado na may kapangyarihang magsilbing impeachment court. Dagdag pa ni Ridon, nananatili silang kumpiyansa sa kanilang kaso at naniniwalang makukumbinsi nila ang mga senador sa oras na maiharap ang mga ebidensya sa paglilitis.
About the Author
