Ni-renew ng Supreme Court ang Comprehensive Health Care Plan para sa Judiciary bilang pagpapatibay sa komitment nito sa kalusugan at kapakanan ng mga court personnel sa buong bansa.
Pinangunahan ni Chief Justice Alexander Gesmundo ang contract signing ceremony sa SC Division Hearing Room sa Maynila, kasama sina Supreme Court Associate Justice Samuel Gaerlan at Supreme Court Associate Justice Raul Villanueva.
Ayon sa SC, layunin ng Unified Health Care Plan na bigyan ng komprehensibong health care protection ang mga justice, hukom, opisyal, at empleyado ng Hudikatura anuman ang kanilang destinasyon o assignment.
Ang renewed contract ay nilagdaan nina Supreme Court clerk of Court En Banc Atty. Marife Lomibao-Cuevas at Kaiser International Healthgroup Inc. President Dr. Leah Uy-Yolo.
Ipinatutupad ang health care plan sa pamamagitan ng joint venture ng Kaiser International Healthgroup Inc. at Manila Bankers Life and General Assurance Corporation.
Unang inilunsad noong 2024, patuloy na pinalalakas ng programa ang access ng mga miyembro ng judiciary sa health care benefits at medical support bilang bahagi ng strategic plan for judicial innovations 2022 to 2027.
About the Author
