Ika-10 taong anibersaryo ng 2016 Arbitral Award ng Pilipinas sa West Philippine Sea, gugunitain ngayong July 8

Lorenz Tanjoco July 8, 2026 1 minute read

Idinaraos ngayong July 8 hanggang 9, 2026 ang National West Philippine Sea Summit sa Forbes Ballroom ng Conrad Manila bilang paggunita sa ika-10 taon ng 2016 South China Sea Arbitral Award.

Pinangungunahan ito ng WPS Foundation, katuwang ang National Task Force for the West Philippine Sea, iba pang institusyon ng pamahalaan, akademya, at pribadong sektor.

Tatalakayin sa dalawang araw na summit ang Law of the Sea, United Nations Convention on the Law of the Sea, Exclusive Economic Zone, dispute settlement, pinagmulan ng South China Sea claims ng China, at kahalagahan ng 2016 Arbitral Award sa posisyon ng Pilipinas sa West Philippine Sea.

Kabilang sa mga tagapagsalita sina Philippine Coast Guard-West Philippine Sea Transparency Group Commander Rear Admiral Jay Tristan Tarriela, National Security Adviser Eduardo SL Oban Jr., retired Supreme Court Senior Associate Justice Antonio Carpio, at Defense Secretary Gilbert “Gibo” Teodoro Jr.

Magkakaroon din ng policy dialogue at town hall hinggil sa pambansang seguridad, foreign policy, public understanding ng arbitral ruling, at pagpapalakas ng national consensus sa West Philippine Sea.