Pinasisiguro ni Communications Secretary Dave Gomez ang maingat at sensitibong pag-uulat ng mga balitang mayroong kinalaman sa school violence, kung saan involve ang mga menor de edad.
Kasunod ito ng insidente ng pamamaril sa Ateneo de Zamboanga (August 18), kung saan dalawang estudyante ang nasawi.
“This is the statement and appeal of PCO Secretary on how we treat address and handle school violence especially the recent one in Zamboanga.” -Castro
Ayon kay Communications Undersecretary Claire Castro, ang state media ay dapat na magpatupad ng pinaka-mataas na antas ng pag-iingat at responsibilidad sa kanilang pagbabalita sa ganitong insidente.
“In particular, we ask for restraint in reporting that may compromise the dignity, safety, and privacy of minors, the bereaved families, and the ongoing response and investigation efforts, and to avoid details that may encourage copycat acts,” ani Castro.
Kailangan aniyang maging sensitibo sa paglalabas ng impormasyon, upang hindi ma-kompromiso ang dignidad, kaligtasan, at privacy ng mga kabataan, pamilya ng mga biktima, maging ng isinasagawang imbestigasyon at responde ng gobyerno.
“We reiterate our position that in incidents involving minors, all state media must exercise the highest level of caution in how such tragedies are reported.” -Castro
At bagamat hindi maaaring atasan ng PCO ang private media, umaapela ito sa private media organizations na magpatupad din ng pinaka-mataas na antas ng pag-iingat at responsibilidad sa kanilang pagbabalita sa ganitong insidente.
“We will not impose restrictions on private media organizations; however, we respectfully appeal to them to exercise extreme care and responsibility in their coverage.” -Castro
About the Author
