Photo courtesy of OWWA
Sumampa na sa US$3.24 billion ang cash remittances o padalang pera ng mga overseas Filipino worker (OFWs) noong Hulyo 2026.
Mas mataas ito ng 1.9 porsiyento kumpara sa US$3.18 billion na naitala sa kaparehong buwan noong 2025.
Nananatiling ang United States ang pangunahing pinagmumulan ng OFW remittances, na sinundan ng Singapore, at Saudi Arabia batay sa mga naitalang opisyal na remittance transactions.
Nagtala rin ng pagtaas ang seasonally adjusted personal remittances, na kinabibilangan ng mga perang ipinadadala sa pamamagitan ng bangko, informal channels, at mga remittance in kind o padalang kargamento, na nagpapakita ng mas matatag na galaw ng padalang pondo sa kabila ng karaniwang pagbabago sa panahon.
Patuloy ring lumago ang kabuuang cash at personal remittances mula Enero hanggang Hulyo ngayong taon.
Ang patuloy na pagpasok ng OFW remittances ay malaking tulong sa paggastos ng mga pamilyang Pilipino at sa pangkalahatang aktibidad ng ekonomiya ng bansa, na nagpapatunay sa tibay ng remittance bilang mahalagang pinagkukunan ng pondo at kita ng bawat sambahayan.
About the Author
