Limang Overseas Filipino Workers (OFWs) sa Al Khobar, Saudi Arabia ang naging kauna-unahang mga benepisyaryo ng Alagang OWWA StepUP-ETEEAP Scholarship.
Sa ilalim ng programang ito, tatanggap ang mga napiling OFW ng educational assistance na hanggang 50,000 pesos mula sa OWWA. Gagamitin ito para sa kanilang pag-aaral sa kolehiyo habang patuloy na nagtatrabaho sa ibang bansa.
Layunin ng programa, sa pakikipagtulungan ng CHED, na bigyang-halaga at i-convert sa college degree ang mga natutunan at karanasan sa trabaho ng mga qualified na OFW sa pamamagitan ng ETEEAP Act o Republic Act No. 12124.
Binigyang-diin ni OWWA Administrator Patricia Yvonne Caunan na nag-ugat ang naturang programa mula sa mismong mungkahi ng mga OFW sa Al Khobar, na naglalayong tulungan ang mga kababayang isinantabi muna ang sariling pangarap para sa pamilya.
About the Author
