Welcome sa Department of Social Welfare and Development (DSWD) ang pagpapatibay ng Senado sa panukalang Batang Ligtas Act, na naglalayong palakasin ang proteksyon ng mga kabataan laban sa online sexual abuse, exploitation, at iba pang banta sa internet.
Ayon kay DSWD Spokesperson Assistant Secretary Irene Dumlao, kabilang sa mga tinutugunan ng panukala ang online grooming, pagpapakalat ng child sexual abuse materials, at pagre-recruit sa mga menor de edad na makilahok sa mararahas na gawain.
Sa oras na malagdaan ni Pangulong Ferdinand R. Marcos Jr., magtatakda ang panukala ng mas mahigpit na proteksyon sa digital platforms, kabilang ang age-verification protocols para maiwasan ang pag-access ng mga bata sa hindi angkop na content online.
Itinatakda rin ng panukala ang permanenteng pagtatatag ng National Child Safety Office at ang pagsasapormal ng Philippine Internet Crimes Against Children Center (PICACC), na bubuuin ng mga tauhan mula sa Philippine National Police (PNP) at National Bureau of Investigation (NBI).
“Safeguarding children is a shared responsibility. With the ratification of this law, we are one step ahead to enhance the child protection systems and mechanisms in the Philippines by ensuring sustained coordination among government agencies, local government units, law enforcement authorities, schools, families, technology platforms, and communities to prevent *abuse, identify children at risk, and ensure that victims receive appropriate protection and support,” pahayag ni Asst. Secretary Dumlao.
About the Author
