Naglatag ang Department of Agriculture (DA) ng ₱61.99-bilyong plano para mabawasan ang epekto ng inaasahang matinding El Niño sa sektor ng agrikultura.
Gayunman, ₱371 milyon sa mga panukalang hakbang ang wala pang nakalaang pondo.
Ayon kay Agriculture Secretary Francisco Tiu Laurel Jr., kabilang sa plano ang pagbibigay ng binhing palay na matibay sa tagtuyot at iba pang tulong sa mga magsasaka.
Pinag-aaralan din ang pag-angkat ng drought-resistant rice seeds mula sa India.
Inatasan ni Pangulong Ferdinand R. Marcos Jr. ang DA na ilahad ang mga lugar na saklaw ng cloud seeding operations at ang pondong inilaan dito.
Layunin ng mga hakbang na maprotektahan ang produksiyon ng pagkain at kabuhayan ng mga magsasaka laban sa posibleng matinding tagtuyot.
About the Author
