Magwawakas na ang isang makasaysayang kabanata sa telebisyon sa Pilipinas ngayong Nobyembre. Opisyal nang sisimulan ng National Telecommunications Commission (NTC) at ng mga lokal na broadcasting network ang bertikal at gradwal na paghinto sa analog TV service para sa ganap na paglipat sa Digital Terrestrial Television Broadcast (DTTB).
Gaganapin ngayong Nobyembre 2026 ang makasaysayang Analog Switch Off (ASO) sa Mega Manila matapos ang mahigit 70 taon ng analog TV broadcasting sa bansa, na nagmamarka ng malaking pagbabago sa teknolohiya at kasaysayan ng pampublikong pagsasahimpapawid.
Sa loob ng maraming henerasyon, ang analog TV ay naging bahagi na ng pamilyang Pilipino, isang bintana kung saan napanood ang mga makasaysayang kaganapan, balita, palakasan, entertainment, at mga paboritong programa. Ngunit ang pamilyar na signal na ito ay opisyal nang magpapaalam upang magbigay-daan sa makabagong digital era.
Ang paglipat mula sa Analog TV patungong DTTB ay maghahatid ng mas malinaw na larawan at tunog, mas magandang reception, mas maraming channel, at iba pang digital broadcast services nang libre sa ere (free-to-air). Layunin din nitong isabay ang Pilipinas sa pandaigdigang pamantayan sa teknolohiya at palakasin ang kakayahan ng industriya ng telebisyon sa bansa.
Ayon sa NTC, ang bawat 6 MHz channel sa digital broadcast ay kakkayaning maglabas ng hanggang anim (6) na standard-definition (SD) programs o isang (1) high-definition (HD) program, gamit ang Integrated Service Digital Broadcast-Terrestrial (ISDB-T)—ang Japanese DTTB standard na opisyal na inangkin ng bansa sa ilalim ng NTC Memorandum Circular No. 05-11-2013.
Sino ang mga Apektado at Ano ang Dapat Gawin?
* Ang Mega Manila ang napiling pilot area (Phase 1) ng ASO dahil humigit-kumulang 80% na ng mga kabahayan dito ang kasalukuyang nakatatanggap ng digital TV signals. Kabilang sa Mega Manila ang:
*Lahat ng lungsod at munisipalidad sa National Capital Region (NCR)
*Lalawigan ng Bulacan at Cavite
*Mga piling bahagi ng Pampanga, Laguna, Bataan, at Rizal na nasasakop ng Metro Manila TV signals
Upang patuloy na makapanood ng mga libreng palabas sa TV, inirerekomenda ng NTC sa publiko ang mga sumusunod:
*Gumamit ng Digital TV-Ready Receiver o Smart TV.
*Kumuha ng Set-Top Box (STB): Para sa mga lumang analog TV, maaari itong ikabit sa may-orient na telebisyon upang makasagap ng DTV signal.
PAALALA: Ang mga subscriber ng mga pay-TV service tulad ng Cable Antenna Television (CATV) at Direct-to-Home (DTH) / Direct-to-Use (DTU) satellite services ay hindi maapektuhan ng Analog Switch Off.
Ang hakbang na ito ay alinsunod sa NTC Memorandum Circular (MC) No. 005-11-2025 (Guidelines for the Switch-Off of the Analog TV Service in Mega Manila) na inisyu noong Nobyembre 6, 2025 at naging epektibo noong Nobyembre 22, 2025.
About the Author
