Isinumite na ngayong Huwebes, October 29, 2026 ng Judicial and Bar Council o JBC kay Pangulong Ferdinand Marcos Jr. ang shortlist ng mga nominado para sa posisyon ng Chief Justice at Associate Justice ng Korte Suprema.
Ito ay kasunod ng nalalapit na pagreretiro ni Chief Justice Alexander Gesmundo sa Nobyembre 6 at ni Associate Justice Amy Lazaro-Javier sa Nobyembre 16.
Kabilang sa limang nominado para sa pagka-Chief Justice sina Senior Associate Justice Marvic Leonen at Associate Justices Alfredo Benjamin Caguioa, Rodil Zalameda, Japar Dimaampao, at Jose Midas Marquez.
Ayon sa Korte Suprema, umatras naman sa kanilang nominasyon ang dalawang senior justice na sina Associate Justices Ramon Paul Hernando at Henri Jean Paul Inting.
Samantala, kabilang sa mga nominado para sa posisyon ng Associate Justice sina Associate Justice Ramon M. Bato Jr.; Solicitor General Darlene Marie B. Berberabe; Commission on Audit Chairperson Gamaliel A. Cordoba; Court of Appeals Associate Justices Ramon A. Cruz, Maria Elisa Sempio Diy, Myra V. Garcia-Fernandez, Ronaldo Roberto B. Martin, at Walter S. Ong; Court of Appeals Presiding Justice Fernanda Lampas Peralta; COMELEC Commissioner Ernesto P. Maceda Jr.; at Court of Tax Appeals Associate Justice Maria Rowena M. San Pedro.
Sa ilalim ng Article VIII, Section 4(1) ng Konstitusyon, kailangang mapunan ang mga bakanteng posisyon sa Korte Suprema sa loob ng 90 araw mula sa pagkakabakante ng mga ito.