Maaari nang direktang lumapit sa Department of Labor and Employment (DOLE) ang mga manggagawang may reklamo o katanungan sa pamamagitan ng bagong Hotline 15/30 na bukas 24 oras kada araw.
Ayon kay DOLE Secretary Francis N. Tolentino, layunin nitong mapabilis ang pagtugon sa mga reklamo tungkol sa hindi nababayarang sahod at benepisyo, iligal na pagtanggal sa trabaho, at paglabag sa labor standards.
Maaari ring humingi ng tulong sa paghahanap ng trabaho at magsumbong ng mga panganib sa kaligtasan at kalusugan sa trabaho, partikular ang matinding init na maaaring idulot ng El Niño.
Ang mga matatanggap na reklamo ay idudulog sa kaukulang regional o field office ng DOLE para sa agarang aksyon.
Maaaring gamitin ng mga manggagawa at employer ang hotline anumang oras sa pamamagitan ng pag-dial sa 1530, saan man sa Pilipinas.
About the Author
