Courtesy of Manila PIO
Muling inilunsad ang Luneta Urban Garden sa Burnham Green sa Rizal Park, Ermita, Maynila bilang bahagi ng pagpapalakas ng food security at pagsusulong ng makabagong teknolohiya sa agrikultura.
Nakiisa si Manila City Mayor Francisco “Isko” Moreno Domagoso sa pag-aani ng premium Japanese musk melon na itinanim gamit ang advanced greenhouse technology at automated smart agriculture systems.
Ang proyekto ay bunga ng pagtutulungan ng Department of Agriculture-Bureau of Plant Industry (DA-BPI), DENSO Philippines Corporation, at National Parks Development Committee upang maipakita na posible ang produksyon ng pagkain kahit sa urban areas sa pamamagitan ng episyente at makabagong pamamaraan ng pagsasaka.
Layunin ng programa na makatulong sa pagpapalakas ng suplay ng pagkain at seguridad sa pagkain sa bansa sa pamamagitan ng urban agriculture.
Dumalo rin sa programa sina Department of Agriculture Undersecretary Cheryl Marie Natividad-Caballero, Department of the Interior and Local Government Assistant Secretary Elizabeth Lopez De Leon, at DENSO Philippines Corporation President Yuji Torii.
About the Author
