Ipinahayag ni Senate Majority Leader Juan Miguel Zubiri na handa ang majority bloc na tumugon sa ipinatawag na special session ni Pangulong Ferdinand R. Marcos Jr. sa Hunyo 17.
Ayon kay Zubiri, itinakda sa alas-9 ng umaga ang sesyon sa Miyerkules.
Aniya, malinaw at agarang nangangailangan ng aksyon ang mga nakatakdang agenda sa special session, kabilang ang mga panukalang may kaugnayan sa serbisyong pangkalusugan, pondo para sa edukasyon, at ayuda para sa mga Pilipinong dumaranas ng krisis.
Sinabi ng senador na ang mga usaping ito ay may direktang epekto sa buhay ng maraming pamilyang Pilipino na umaasa sa mabilis na pagtugon ng pamahalaan.
Bukod dito, binigyang-diin ni Zubiri na mahalaga ring magampanan ng Commission on Appointments (CA) ang tungkulin nito sa pagbusisi sa mga nominasyon para sa mga posisyon sa gabinete, militar, at foreign service.
Aniya, napatunayan na ng Senado sa mga nagdaang hamon na kaya nitong lampasan ang mahihirap na sitwasyon at magpatuloy sa pagtupad ng tungkulin para sa mamamayan.
Iginiit din ng Majority Leader na walang dapat maging dahilan upang maantala ang trabaho ng Senado.
About the Author
