Ipinagkaloob ng Bureau of Customs (BOC) -Legazpi sa Philippine Coast Guard (PCG) District Bicol ang 1,783 litro ng forfeited diesel fuel.
Ang donasyon ay mula sa unmarked diesel na nasabat ng composite team ng BOC at Bureau of Internal Revenue.
Ayon sa BOC, pinayagan ang donasyon sa ilalim ng Section 1141 ng Customs Modernization and Tariff Act, matapos makuha ni BOC Commissioner Ariel Nepomuceno ang pag-apruba ng Department of Finance.
Sinabi ni BOC-Legazpi District Collector Guillermo Pedro Francia IV na makatutulong ang fuel allocation sa pagpapalakas ng seaborne patrols, disaster response, at maritime law enforcement operations sa Bicol Region.
Bahagi Ito ng hakbang ng BOC, alinsunod sa direktiba ni Pangulong Ferdinand R. Marcos Jr., na palakasin ang border security, labanan ang smuggling, at paigtingin ang kooperasyon ng mga ahensya.
About the Author
