Photo courtesy of Iran's Ministry of Foreign Affairs on "X"
Naghahanda na ang Iran para sa isang linggong pambansang pagluluksa at malawakang seremonya ng libing para sa kanilang nasawing Supreme Leader na Ayatollah Ali Khamenei.
Inaasahang dadaluhan ng milyon-milyong mamamayan ang mga prusisyon at seremonyang isasagawa sa Tehran, Qom, Mashad at ilang banal na lungsod bilang paggunita sa pinuno na namuno sa bansa sa loob ng mahigit tatlong dekada.
Layunin ng pamahalaan ng Tehran na ipakita ang pagkakaisa ng bansa sa gitna ng matinding krisis pampolitika matapos ang pagkasawi ng lider.
Pinalakas din nito ang seguridad sa buong bansa dahil sa posibleng panibagong tensyon sa Gitnang Silangan.
Inaasahan namang dadalo ang ilang dayuhang opisyal mula sa mga bansang kaalyado ng Iran.
Gayunman, habang itinuturing ng pamahalaan ng Iran na simbolo ng pagkakaisa at katatagan ang pagluluksa, may mga ulat ding hindi lahat ng mamamayan ay sumasang-ayon sa naging pamamahala ng dating lider.
Sa kabila nito, nananatiling sentro ng pandaigdigang atensyon ang Iran habang isinasagawa ang makasaysayang seremonya at patuloy na binabantayan ang magiging direksyon ng bagong pamunuan ng bansa.
About the Author
