Screenshot
Nagpaabot na ng pakikiramay ang Department of Environment and Natural Resources (DENR) sa pagkasawi ng kilalang Marine biologist na si Dr. Kent Carpenter.
Sa isang pahayag, kinilala ni DENR Secretary Juan Miguel Cuna ang naging malaking papel ni Carpenter sa konserbasyon ng yamang-dagat ng Pilipinas.
Aniya, ang ilang dekadang pakikipagtulungan ni Dr. Carpenter sa mga Pinoy scientist ay naging makabuluhan sa pagpapalawak ng kaalaman tungkol sa coral reefs at marine ecosystems ng bansa.
Kabilang sa pinakamahalagang ambag ni Dr. Carpenter ang kanyang pananaliksik sa Tubbataha Reefs Natural Park, na nakatulong sa pagkilala rito bilang isang UNESCO World Heritage Site, at sa Verde Island Passage, na kinilala bilang “Center of the Center of Marine Shorefish Biodiversity.”
Nagsilbi rin siyang expert witness sa South China Sea Arbitration, kung saan inilahad niya ang naging epekto ng dredging at pagkasira ng coral reefs sa kapaligiran, gamit ang kanyang malawak na kaalaman sa marine science.
“The DENR stands in solidarity with Dr. Carpenter’s family, colleagues, and the scientific community during this time of profound loss. As a tribute to his invaluable contributions to Philippine marine conservation, the Department will extend appropriate assistance and support to his family,” pahayag ni DENR Secretary Juan Miguel Cuna.
About the Author
