Pinaigting ng Philippine National Police (PNP) ang pagbabantay sa cybersecurity operations bago ang ikalimang State of the Nation Address (SONA) ni Pangulong Ferdinand R. Marcos Jr.
Ito ay sa gitna ng tumitinding banta ng cyberattacks, pagkalat ng maling impormasyon sa internet, at mga online scam.
Inatasan ni PNP Chief PGen. Jose Melencio C. Nartatez Jr. ang Anti-Cybercrime Group (ACG) na paigtingin ang cyber patrol upang matukoy ang pagkalat ng maling impormasyon, coordinated influence operations, phishing attacks, at mga online scam na maaaring maiugnay sa SONA.
Nauna na ring naglabas ang PNP ng Cybersecurity Advisory na nakatuon sa tatlong pangunahing prayoridad para sa SONA 2026: ang proteksyon sa Critical Information Infrastructure (CII), paglaban sa maling impormasyon at influence operations, at pag-iwas sa online scam at social engineering attacks.
Layunin nitong maprotektahan ang mga digital system ng pamahalaan at maprotektahan ang publiko laban sa mga banta sa cyberspace bago, habang, at pagkatapos ng SONA.
Bahagi ang mga naturang hakbang sa cybersecurity ng kabuuang security plan ng PNP para sa SONA.
About the Author
