Nasagip ng Philippine Coast Guard (PCG) at mga katuwang na ahensyang nagpapatupad ng batas ang apat na babae sa isinagawang operasyon kontra human trafficking sa Barangay Tetuan, Zamboanga City.
Tatlong pinaghihinalaang tagapagpadaloy ng human trafficking ang naaresto sa intelligence-driven operation noong Agosto 11.
Ayon kay Coast Guard District Southwestern Mindanao Commander Commodore Rejard Marfe, nakatulong ang maagap at beripikadong intelligence report upang mailigtas ang mga biktima sa posibleng pagsasamantala.
Dinala ang mga babae sa Department of Justice-Inter-Agency Council Against Trafficking Region 9 Office para sa counseling at kaukulang disposisyon.
Mahaharap ang mga suspek sa mga kasong paglabag sa Anti-Trafficking in Persons Act at large-scale illegal recruitment.
About the Author
