Nagbaba ng kautusan si Ferdinand R. Marcos Jr., para sa pagpapalawak ng social protection coverage para sa contract of service (COS) at job order (JO) workers sa mga tanggapan ng pamahalaan.
Sa bisa ng Administrative Order No. 43 (June 3), mabibigyang daan na ang voluntary deduction at remittance ng Social Security System (SSS), Philippine Health Insurance Corp. (PhilHealth), at Pag-IBIG Fund Contributions ng mga COS at JO workers.
Inaatasan ang mga tanggapan ng pamahalaan na siguruhin ang mga angkop na mekanismo para dito, upang maging bahagi at maipabatid ang tamang impormasyon kaugay sa social protection ang mga JO at COS workers.
Sakop ng kautusang ito ang lahat ng departmento, ahensiya, bureaus, tanggapan, GOCCs, at SUCs na kumukuha ng COS at JO workers.
Ang mga lokal na pamahalaan, hinihikayat din na ipatupad ang kautusan.
Samantala, inatasan din ng Palasyo ang Department of Budget and Management (DBM), Civil Service Commission (CSC), Commission on Audit (COA), SSS, PhilHealth, at Pag-IBIG Fund na maglabas ng mga kinakailangang guidelines para sa epektibong implementasyon ng kautusang ito.
“Joint Circular No. 1 (s. 2025) issued by the CSC, COA, and DBM provides that COS and JO workers may be granted a premium, not exceeding 20 percent of their compensation, to cover voluntary or self-employed contributions to government-mandated social security programs.” -PCO. | ulat ni Racquel Bayan
About the Author
