Ginawaran ng Federation of Indian Chambers of Commerce Philippines Incorporated (FICCI) ng Golden Peacock Award for Excellence in Government Service si Bureau of Customs Commissioner Ariel Nepomuceno.
Iginawad ang pagkilala sa ika-6 na Customs Industry Consultative and Advisory Council General Assembly dahil sa pamumuno ni Nepomuceno at mga reporma sa Customs administration at trade facilitation.
Kabilang sa isinusulong ng Bureau of Customs (BOC) ang digitalization ng payment, accreditation, container tracking, X-ray operations, at Customs Processing System.
Tinalakay rin sa pagtitipon ang accreditation ng importers at Customs brokers, congestion sa mga pantalan at paliparan, at mga hakbang para mapababa ang cargo clearance costs.
Binigyang-diin ni Nepomuceno ang patuloy na pakikipagtulungan ng BOC sa pribadong sektor upang mapabilis ang lehitimong kalakalan at suportahan ang paglago ng ekonomiya.
About the Author
