Nananatiling committed ang Marcos Administration sa pagpapaigting ng pension system para sa military at uniformed personnel (MUP) ng bansa.
Ayon kay Communications Undersecretary Claire Castro, mayroong partikular na inter-agency group na nakatutok para sa pag-aaral sa mga usapin kaugnay dito, upang makalikha ng rekomendasyon para sa isang balanse at sustainable na sistema para sa MUP pension system.
“Sa ngayon ay ongoing pa ang pag-aaral. Sa ilalim ng Executive Order Number 107, Series of 2025, ang naatasang mag-aaral at magsasagawa ng komprehensibong pagsusuri o reporma sa military and uniformed personnel pension system ay ang binuong inter-agency na binubuo ng mga kinatawan ng DBM, DOF, BTR (Bureau of Treasury), and GSIS.” —Castro
Tungkulin din aniya ng nasabing inter-agency na magsagawa ng malalim na pag-aaral upang matiyak na magiging balanse at makatarungan ang sistema ng pension.
Gayundin ang pagrekomenda ng mga kaukulang hakbang o panukalang batas para sa reporma.
Una na ring inaatasan ang lahat ng ahensiya ng MUP na magbigay nang buong suportang teknikal at administratibo sa nasabing technical group para sa pag-aaral na ito.
“The Marcos administration proposes a PhP142.95 billion allocation for MUP pensions under the 2027 National Expenditure Program (NEP). The amount is 6.8 percent above the P133.91 billion in the 2026 General Appropriations Act.” —PCO
About the Author
