Photo courtesy of Quezon City Government
Nakatakdang muling ilunsad ng Quezon City Government ang ALERT QC 2: Awareness, Lifesaving, and Emergency Response Training, para sa mga workplace responders sa lungsod.
Layon ng libreng three-day training program na isulong ang workplace preparedness sa anumang sakuna.
Gaganapin ang ALERT QC 2 sa iba’t ibang training venues sa Quezon City mula Setyembre hanggang Oktubre 2026 kung saan kabilang sa inanyayahan ang mga business manager, administrator, safety officer, security personnel, human resource practitioner, at designated workplace responder mula sa mga negosyo sa Quezon City.
Inaasahang tatalakayin sa training ang pagbuo ng Disaster Control Group, Active Shooter Awareness and Response, fire safety, Occupational First Aid, Basic Life Support, CPR, AED operation at sustainable workplace practices.
Pangungunahan naman ito ng QC Business Permits and Licensing Department at QC Disaster Risk Reduction and Management Office bilang bahagi ng patuloy na paghahanda ng mga workplace sa sakuna at emergency.
About the Author
