Nilinaw ng House prosecution team na hindi maaring direktang tumanggi si Vice President Sara Duterte na humarap sa Senate impeachment court sa pamamagitan lamang ng pag-invoke ng kanyang “right to self-incrimination”.
Ayon kay prosecution legal spokesperson Atty. Benjamin “Jay” Tolosa Jr., magkaiba ang impeachment sa isang karaniwang kasong kriminal.
Paliwanag ni Tolosa na ang karapatan laban sa self-incrimination o pagtestigo laban sa sarili ay dapat suriin nang “per question” o sa bawat itatanong sa kanya, at hindi pwedeng gamiting dahilan para hindi na siya humarap sa pagdinig.
Aniya, ipinauubaya nila sa Senate Impeachment Court ang pagpapasya sa hiling ng prosecution na i-subpoena ang pangalawang pangulo matapos ang presentasyon ng apat na Articles of Impeachment.
Tugon din ito sa ng pagtutol ng kampo ng Bise Presidente na pilitin siyang humarap sa korte.
About the Author
