Aabot sa 108 dayuhang observers mula sa mahigit isang dosenang international organizations at delegasyon ang nagmamasid sa kauna-unahang Parliamentary Elections sa Bangsamoro Autonomous Region in Muslim Mindanao (BARMM) ngayong araw.
Ayon sa Office of the Presidential Adviser on Peace, Reconciliation and Unity (OPAPRU) kabilang sa mga observers ang mga embahada ng Palestine, China, Australia, at Japan, gayundin ang iba’t ibang international organizations.
Pinakamarami ang delegasyon ay ang Asian Network for Free Elections and National Democratic Institute na may 22 miyembro, habang 17 naman ang mula sa Japanese Embassy.
Namo-monitor ng mga observers ang halalan sa Cotabato City, Maguindanao del Norte at Sur, Special Geographic Area, Marawi City, Lamitan, Isabela, Bongao, at Zamboanga City.
Ayon kay Presidential Peace Adviser, Secretary Mel Senen Sarmiento, makatutulong ang presensya ng mga international observers para mapalakas ang tiwala sa proseso ng halalan.
About the Author
