Patuloy ang pagsuyod ng Philippine Coast Guard at iba pang awtoridad sa nasunog na MV June Aster sa Coron, Palawan.
Layunin nitong makuha ang mga ebidensyang makatutulong sa imbestigasyon.
Sa Saturday News Forum, sinabi ni PCG spokesperson Commodore Noemie Cayabyab na nagsasagawa ngayon ng secondary sweep sa buong barko.
Kabilang dito ang accommodation areas, bridge, cargo deck at engine room.
Muling tinututukan ang engine room matapos halos maalis ang tubig na bumaha rito.
Nagsagawa rin ng diving operation ang salvage company para suriin ang hull at kondisyon ng barko.
Kasama sa operasyon ang PCG, PNP-SOCO, Bureau of Fire Protection at Coron Municipal Police Station. Patuloy naman ang Maritime Safety Investigation at Maritime Crime Investigation para matukoy ang buong pangyayari sa insidente.
About the Author
