Pansamantalang ipinahinto ng Department of Energy (DOE) ang 2026 Coal Bid Round na sumasaklaw sa tatlong itinakdang lugar upang muling suriin at palakasin ang mga parameter sa paggawad ng Coal Operating Contracts (COCs).
Ayon sa DOE, layunin ng hakbang na matiyak na ang pagpapaunlad sa mga lokal na reserbang karbon ng bansa ay magbibigay ng sapat na kita sa pamahalaan, makatutulong sa pagtugon sa pangangailangan sa enerhiya sa bansa, at maghahatid ng malinaw at nasusukat na benepisyo sa mga Pilipinong consumer.
Muling aayusin ng DOE ang mga panuntunan sa bidding upang magkaroon ng patas, malinaw, at komprehensibong proseso ng pagsusuri sa mga alok. Makikipag-ugnayan din ang kagawaran sa Department of Environment and Natural Resources (DENR) sa pagbuo ng mga patakaran para sa service at operating contracts na may kaugnayan sa likas na yaman.
Sinabi ng DOE na nananatili itong nakatuon sa responsableng pagpapaunlad ng mga lokal na pinagkukunan ng enerhiya, habang pinangangalagaan ang mga ari-arian ng Estado, pinatitibay ang pangmatagalang seguridad sa enerhiya, at lumilikha ng konkretong halaga para sa mga Pilipino.
About the Author
