Nababahala ang National Council on Disability Affairs (NCDA) sa viral social media content ng vlogger na kilala bilang “Daddy Frankie,” sa isang indibidwal na may mental health condition.
Sa isang pahayag, iginiit ng NCDA na dapat protektahan ang privacy at dignidad ng mga vulnerable individual at hindi ginagawang content o pagkakakitaan ang kanilang sensitibong kalagayan.
“While the agency acknowledges that extending care and support to them is vital, ethical boundaries between genuine care and content creation must always be upheld. More importantly, the sensitive and fragile state of any individual must be approached with absolute confidentiality rather than commodified for public consumption.”
Tinukoy din ng NCDA ang Magna Carta for Persons with Disabilities at Mental Health Act, na nagbibigay proteksiyon sa mga taong may psychosocial disability o mental health condition laban sa diskriminasyon, stigmatization, at paglabag sa kanilang karapatan. Saklaw din ng Data Privacy Act ang health information bilang sensitibong personal na impormasyon.
Patuloy namang nakikipag-ugnayan ang NCDA sa Department of Social Welfare and Development, Department of Information and Communications Technology, Department of Health, National Privacy Commission, at mga lokal na pamahalaan para matugunan ang naturang usapin.
Hinimok din ng NCDA ang publiko na ang idulog sa mga kwalipikadong mental health professionals at service providers ang mga nangangailangan ng mental health support.
About the Author
