Itinutulak ng Pilipinas ang mas matatag, inklusibo, sustainable, at digitally integrated na sektor ng turismo sa ASEAN, sa pagbubukas ng ASEAN Tourism Ministers’ Retreat ngayong World Tourism Day.
Sa mensahe ng Pilipinas bilang chair ng ASEAN Tourism Ministers’ Meeting, binigyang-diin ang pangangailangang gawing konkretong aksyon ang ASEAN Tourism Sectoral Plan 2026 to 2030.
Kasunod nito, kabilang sa mga prayoridad ang pag-update sa ASEAN Tourism Agreement para tugunan ang digital transformation, sustainable tourism, at regional connectivity, pati ang pagsasama ng Timor-Leste sa multilateral framework.
Itinutulak din ang ASEAN Sustainable and Resilient Tourism Investment Outlook 2030, katuwang ang Asian Development Bank (ADB), para makahikayat ng pamumuhunan sa secondary cities, emerging tourism hubs, at green infrastructure.
Sa mahigit 140 milyong international arrivals sa Southeast Asia noong nakaraang taon, layunin ng ASEAN na mapanatili ang rehiyon bilang pangunahing travel hub sa mundo, habang tinitiyak na direktang napapakinabangan ng mga komunidad ang paglago ng turismo.
About the Author
