Binigyang-diin ni Supreme Court Senior Associate Justice Marvic M.V.F. Leonen na dapat nakatuon sa pagpapabuti ng serbisyo publiko at access to justice ang digital transformation sa Hudikatura.
Sa Microsoft Frontier Transformation Day sa Makati, sinabi ni Leonen na ang paggamit ng teknolohiya ay dapat nakaangkla sa malinaw na layunin, pananagutan, at human judgment.
Kabilang sa digitalization efforts ng SC ang eCourt PH 2.0 para sa electronic filing, digital court management, at electronic appeals.
Ipinaliwanag din ni Leonen na sa ilalim ng AI Governance Framework ng Korte Suprema, dapat suportahan lamang ng artificial intelligence ang trabaho ng tao at hindi palitan ang human judgment sa pagbibigay ng hustisya.
Sa ngayon, hindi pinapayagan ang generative AI sa court proceedings at administration. Ang Scriptix, isang voice-to-text transcription tool, ang tanging AI tool na aprubado ng SC at ginagamit ng mga court stenographer sa buong bansa.
Patuloy din ang pagsasanay ng SC sa mga hukom, court personnel, abogado, at iba pang stakeholders para sa responsable at tamang paggamit ng artificial intelligence.
About the Author
