Hindi pa rin napahina ng testigong iniharap ng depensa ang mga ebidensyang inilalatag ng prosecution panel laban kay Vice President Sara Duterte, ayon kay House prosecution adviser Ace Barbers.
“Hanggang ngayon, with the latest witness that they presented before the impeachment court, they have not debunked, refuted nor disputed all the evidence and testimonies of our witnesses that we presented before the court,” ani Barbers.
Aniya, sa halip na makatulong sa depensa, lalo pang nagbigay-bigat sa mga alegasyon ng prosekusyon ang testimonya ng kanilang pinakahuling testigo na si Atty. Rainer Dela Fuente na dating Financial Investigator ng Anti-Money Laundering Council (AMLC).
“They were trying to say that this witness that they will be presenting is an expert witness, considering that he has limited number of years in the AMLC and bilang isang entry level na kawani ng AMLC, I don’t think that would be sufficient enough for him to an expert witness,” dagdag niya.
Sinang-ayunan ito ni private prosecutor at prosecution legal spokesperson Atty. Benjamin Tolosa Jr. na sinabing mismong testigo ng depensa ang umaming wala siyang nakikitang paglabag sa batas sa pagkuha at paggamit ng AMLC records sa Cabrera report.
Nilinaw rin umano ng testigo na hindi niya kinukuwestiyon ang bank records, insurance documents, BIR records, AMLC reports at SALN na naging batayan ng naturang pagsusuri.
“He admitted na itong experience nya as an investigator with AMLC is just consisted of around 2 years as an entry level investigator and of course we have to take that into consideration when considering his answers vs the answers we heard from the executive director of the AMLC himself…inamin naman nya na hindi naman sya, based lang naman sa limited knowledge nya yung answer nya sa mga ibang bagay na ito. So with that we were very happy with how today’s hearing unfolded,” saad ni Tolosa.