Aarestuhin pa rin ng mga awtoridad ang mga miyembro ng True Brown Style (TBS), sa kabila ng mga iniulat na charitable activity ng grupo.
Sa ambush interview sa Pasay City, sinabi ni Interior Secretary Jonvic Remulla na hindi dahilan ang mabubuting gawa para palampasin ang mga krimeng iniuugnay sa grupo, gaya ng mga nakawan sa convenience store.
Ayon kay Remulla, aarestuhin ng mga awtoridad ang lahat ng nagre-recruit at nag-gro-groom ng mga menor de edad para gumawa ng krimen.
“I will really arrest them, all those who groom children to be criminals. I will really arrest them. This cannot go on. How can it be that now that we know who they are and they’ve been called out, they’ll just say, ‘no, we are actually good people?’” ani Remulla.
“Life doesn’t work that way. There must be justice, there must be truth. We cannot reconcile without justice; we will prioritize that,” dagdag pa niya.
Kinukumpleto na rin, aniya, ang listahan ng mga recruiter ng TBS sa buong bansa at isasapubliko niya ito.
Samantala, humihiling din ang grupo ng dayalogo sa Department of the Interior and Local Government dahil natatakot na ang ilan sa kanilang mga miyembro. Sinabi ni Remulla na bukas siya rito basta ititigil ng grupo ang mga ilegal na aktibidad nito. | ulat ni Diane Lear
About the Author
