Nilinaw ng Bureau of Internal Revenue ang paggamit ng Enhanced Electronic Documentary Stamp Tax (eDST) System sa ilalim ng Revenue Memorandum Circular No. 107-2026.
Layunin nitong gawing mas simple, ligtas at standardized ang documentary stamp tax compliance ng mga covered taxpayers.
Auon kay Commissioner Charlito Martin Mendoza, kailangan ang enrollment sa Electronic Filing and Payment System (eFPS) para sa filing ng BIR Form No. 2000 at pagbabayad ng documentary stamp tax, pati ang pagdalo sa BIR orientation.
Para sa mga Notary Public, kailangan ang sariling eDST account at updated BIR registration bilang “Professional.”
May safeguards din para sa maling stamp affixation at technical problems, kabilang ang refund claims at Trouble Ticket Number mula sa BIR Contact Center.
May hanggang December 31, 2026 para mag-enroll ang covered taxpayers sa Enhanced eDST System bilang bahagi ng digitalization ng BIR. | ulat ni Rey Ferrer
About the Author
