Pinagtibay muli ng Technical Education and Skills Development Authority (TESDA), sa pangunguna nina Secretary Kiko Benitez, at San Miguel Corporation Chairman at CEO Ramon Ang, ang kanilang kasunduan para sa skills training, certification, industry exposure at employment opportunities.
Sa ilalim ng bagong kasunduan, palalawakin ang mga programa sa training, assessment at certification, industry learning, at employment referral.
Sa naunang partnership, mahigit 500 benepisyaryo ang nakapagtapos ng construction-related training, habang halos 300 ang nakahanap ng trabaho.
Layunin ng TESDA at SMC na mas marami pang Pilipino ang mabigyan ng kasanayan, karanasan at oportunidad para magkaroon ng disenteng trabaho at mas maayos na kabuhayan.
📸 TESDA
About the Author
