Kasalukuyang bumubuo ng mga bagong alituntunin ang Department of Labor and Employment (DOLE) upang matiyak ang kaligtasan at proteksyon ng mga manggagawa laban sa mga panganib na dulot ng matinding init habang umiiral ang El Niño.
Ayon kay Labor Secretary Francis Tolentino, pangunahing bibigyang-pansin ng mga panuntunang ito ang mga manggagawang nasa labas ng gusali o outdoor workers, kabilang na ang mga nasa construction industry.
Nakapaloob dito ang mga hakbang upang mabawasan ang pagkakalantad nila sa labis na init ng araw, lalo na tuwing tumataas ang heat index.
Bukod dito, sasaklawin din ng mga panukalang hakbang ang mga delivery rider.
Papayagan silang kumuha ng oras para magpahinga sa mga itatalagang cooling hubs nang walang pangambang maparusahan o manganib ang kanilang trabaho sakaling maantala ang kanilang mga paghahatid dahil sa tindi ng init.
Inaasahan na ang mga gabay na ito ay magbibigay-daan sa mas ligtas na working condition sa kabila ng banta ng matinding El Niño.
About the Author
