Photo courtesy of Department of Social Welfare and Development (DSWD)
Nakiisa ang Department of Social Welfare and Development (DSWD) sa Bagong Bayani ng Mundo OFW Serbisyo Caravan na pinangunahan ng Overseas Workers Welfare Administration (OWWA) mula October 30-31 sa Sultan Qaboos Sports Complex sa Muscat, Oman.
Ayon sa DSWD, dinagsa ang booth nito ng mga overseas Filipino worker (OFW) na nais humingi ng impormasyon at gabay tungkol sa Minors Traveling Abroad (MTA) Travel Clearance, Solo Parent ID, child custody and support, pati na tulong-pinansyal para sa mga pamilyang nahaharap sa krisis sa Pilipinas, psychosocial consultations, at iba pang protective intervention programs ng DSWD.
Sa pamamagitan ng pakikilahok na ito, nais ng DSWD na mailapit sa mga Pilipino sa Oman ang mga serbisyo sa ilalim ng administrasyon ni Pangulong Ferdinand R. Marcos Jr.
About the Author
