Bumaba sa US$147.35 bilyon ang kabuuang panlabas na utang ng Pilipinas sa pagtatapos ng March 2026 mula sa US$147.65 bilyon noong nakaraang quarter.
Nananatiling matatag ang pangunahing debt indicators ng bansa kung saan bumaba sa 30% ang external debt bilang bahagi ng gross domestic product mula sa 30.3%.
Nananatili ring sapat ang gross international reserves na umabot sa US$106.64 bilyon, na nagpapakita ng kakayahan ng bansa na tugunan ang mga panandaliang obligasyon sa utang.
Ayon sa datos, ang bahagyang pagbaba ng panlabas na utang ay dulot ng mas mababang paghawak ng mga dayuhang mamumuhunan sa Philippine debt securities kasabay ng mas mahigpit na kondisyon sa pagpopondo sa mga emerging markets.
Sa kabila nito, bahagyang mas mataas ang external debt kumpara sa kaparehong panahon noong nakaraang taon dahil sa bagong pangungutang ng pambansang pamahalaan at pribadong sektor para sa mga programang pangkaunlaran at aktibidad pangkalakalan.
About the Author
