Matagumpay na nakapaghatid ng libreng assessment at certification sa mga Filipino communities sa ibang bansa ang technical education and skills development Authority Tesda sa pamamagitan ng Overseas Assessment Program (OAP).
Sinabi ni Tesda Secretary Kiko Benitez, ang OAP ay nagbibigay ng pagkakataon sa mga OFWs na sumailalim sa assessment at makakuha ng TESDA National Certificate (NC) o Certificate of Competency (COC) na hindi na kailangang bumiyahe pabalik ng Pilipinas.
Sa Riyadh, muling idinaos ng TESDA ang OAP, sa pakikipagtulungan ng Philippine Embassy at Migrant Workers Office (MWO) para sa mga OFWs sa Kingdom of Saudi ARabia.
Ang assessment ay para sa Caregiving NC II, Health Care Services NC II, Massage THerapy NC II at Barista NC II.
Samantala, matagumpay ring nagsagawa ng kauna -unahang OAP sa Al Khobar, sa pakikipagtulungan ng Department of Migrant Workers, Procare Hospital at Saudi-Canadian Training & Simulation Center.
Ang assessment ay para naman sa Caregiving NC II at Health Care Services NC II upang gawing abot-kamay ang certification services para sa silangang lalawigan ng Saudi Arabia.
Nakipagtulungan rin ang DMW sa TESDA para naman sa assessment na idinaos sa Jeddah para sa Caregiving NC II, Caregiving (Elderly) NC II, Health Care Services NC II, Massage Therapy NC II, Electrical Installation and Maintenance NC II, Electrical Installation and Maintenance NC III, PV Systems Installation NC II at Early Childhood Care Development NC III.
Sa Saudi Arabia, umabot sa 1,056 OFWs, kung saan 946 OFWs o 90 porsyento ang pumasa at nakakuha ng kanilang National Certificates.
Sa Hong Kong, nagdaos rin ang TESDA ng assessment para sa Massage Therapy NC II, Kung saan 57 OFWs ang na-assess at 49 ang pumasa at nakatangap ng kanilang National Certificates. | ulat ni Aj Ignacio
About the Author
