Pinag-aaralan ng Department of Budget and Management (DBM) kung kinakailangan ang isang supplemental budget, upang suportahan ang Unified Package for Livelihoods, Industry, Food and Transport (UPLIFT) program.
Pahayag ito ni Communications Usec Claire Castro, kasunod ng sinabi ng Department of Finance (DOF) na panahon na upang humiram ito ng 1.5$ dollars sa Asian Development Bank (ADB).
Ayon kay Castro, ang nakapaglaan ang pamahalaan ng karagdagang PhP3 billion upang pondohan ang mga programa para sa overseas Filipino workers (OFWs) na apektado ng kaguluhan sa Middle East.
Partikular aniya, upang suportahan ang repatriation at reintegration efforts para sa OFWs.
“Patungkol sa supplemental budget, according to DBM the additional 3 billion for the Department of Migrant Workers to support repatriation and reintegration efforts was sourced from available funds.” -Castro.
Aniya, ang naturang pondo ay nagmula sa available funds o savings ng pamahalaan alinsunod sa umiiral na budgeting at public financial management mechanisms.
“Or rather savings generated through the implementation of NBC number 602 and NBC 603 consistent with existing budgeting accounting and public financial management tools.” -Castro.
Sa kasalukuyan, wala pang pinal na pahayag ang Malacañang hinggil sa planong pangungutang sa Asian Development Bank para sa karagdagang pondo ng pamahalaan.
“Sa kasalukuyan po ay tinatanong ko iyong patungkol sa paghingi ng loan sa ADB at hinihintay ko lang po ang sagot ni Secretary Go.” -Castro. | ulat ni Racquel Bayan
About the Author
